ЕСЕТ БАТЫР АУЫЛЫНДА АЛЛЕЯ САЛЫНЫП, БАТЫР БЮСТІ БОЙ КӨТЕРДІ
Жалағаш ауданы орталығында Есет батыр Көкіұлының 350 жылдық мерейтойына арналған шаралар сән-салтанатпен басталып, елі үшін ат арқасына қонған қаһарманның есімін иеленген Есет батыр ауылында жалғасты.
Шара қонақтары мерейтойға арналып абаттандырылған аллеяны аралап, батыр бюстінің салтанатты ашылу рәсіміне қатысты.
Белгілі ақын Мұхтар Ниязовтың батыр рухына арнауынан кейін облыстық мәслихат хатшысы Наурызбай Байқадамов, композитор, жазушы, музыкатанушы, Қазақстан мен Қырғызстанның еңбек сіңірген мәдениет қайраткері Ілия Жақанов ел қорғаған Есет батырдың ерлігі мен оның ұрпақ жадында жаңғырту жайлы көшелі сөз айтты.
Шара соңында батыр бюстіне облыс әкімдігінің, ұрпақтарының, аудан әкімдігінің гүл шоқтары қойылып, тағзым жасалды.
