КЛУБ ОТЫРЫСЫНДА ОҚЫРМАНДАР ОЙЛАРЫН АЙТТЫ
Ә.Тәжібаев атындағы облыстық әмбебап ғылыми кітапханасында «Рауан» шығармашылық-интеллектуалдық клубының есеп беру отырысы болып өтті.
Отырыста клуб мүшелері биыл атқарылған жұмысты қорытындылады. Оқырмандардың рухани дамуына ықпал ететін шаралар жайлы ой бөлісіп, кітапқұмарлар қатарын көбейту бағытындағы жұмыстарға талдау жасады.
Елбасының «Болашаққа бағдар: Рухани жаңғыру» мақаласындағы басым бағыттарды талқылаған отырыста шығармашыл балаларға көмек көрсетудің маңыздылығы жайлы айтылды.
Отырыс соңында жас оқырмандардың біліктілігін, ойлау қабілетін арттыру және сергіту мақсатында «Кім білгір?» атты викториналық ойын өткізілді.
Сондай-ақ, кітап көрмесіндегі жаңа әдебиеттер таныстырылып, оқуға ұсынылды.
