Қызылордалық камералық оркестр халықаралық фестивальде өнер көрсетуде
16-27 ақпан күндері Балқан түбегіндегі Босния-Герцеговина, Сербия, Венгрия мемлекеттерінде Түркітілдес елдердің қатысуымен өтетін камералық оркестрлер фестиваліне Қазақстан Республикасы атынан Қызылорда облыстық филармониясының камералық оркестрі қатысып өнер көрсетуде, деп хабарлайды Kyzylorda-news.kz.
Сондай-ақ, ҚР Композиторлар одағының мүшесі, ҚР Мәдениет қайраткері, Қорқыт Ата атындағы Қазалы аудандық балалар музыка мектебінің директоры Әліш Сәукен Әлмәмбетұлы Түркі мәдениетінің «ТЮРКСОЙ» халықаралық ұйымы басшылығының және ҚР Композиторлар Одағының төрайымы Балнұр Қыдырбектің арнайы шақыртуымен 2019 жылғы 4-16 ақпан аралығында Түрік елінде өткен “Заманауи музыкалық шығармашылықты дамытудағы тәжірибе алмасу” тақырыбындағы халықаралық семинарына қатысу құрметіне ие болды.
Аталған семинарға Қазақстан Республикасы бойынша 7 композитор қатысты.
