Қазақстан 2019 жылғы Универсиада ойындарының ашылу салтанатына қатысты
Kyzylorda-news.kz. Бүгін Италияның Неаполь қаласында Бүкіләлемдік жазғы Универсиаданың ресми түрде ашылу салтанаты өтті, деп хабарлайды «Хабар 24».
Қазақстан атынан Универсиада ойындарына 94 спортшы аттанды. Бүгіннен бастап қазақстандық құрама спортшылары жарысты бастайды.
Салтанатты рәсім Сан-Паоло стадионында өтті. Шоу-бағдарламада әлемдік және италиялық классика мен заманауи тенденциялар сабақтасқан. Ашылу салтанатына 900-ге жуық адам қатысты.
Универсиада алауын жергілікті «Наполи» футбол клубының капитаны Лоренцо Инсинье жақты. Сондай-ақ ашылу салтанатында Андреа Бочелли ән шырқап, жиын соңы отшашуға ұласты.
