Сыр спортшысы халықаралық турнирде күміс жүлдеге ие болды
Kyzylorda-news.kz. АҚШ-тың Индиана штатында парадзюдодан өткен лицензиялық халықаралық турнирде Сыр спортшысы күміс жүлдені иеленді.
Олжас Оразалыұлы 60 келі салмақта өнер көрсетті. Ол 2020 жылы Токиода болатын Олимпиада ойындарына жолдама алу үшін ұпай жинайтын жарыстарға кезеңімен қатысуда.
«Биылғы жылдың мамыр айында Бакуде Гран-при жарысына қатысып, үшінші орынды еншіледім. Енді лицензиялық 4 жарыста бағымды сынаймын. Олимпиадаға жолдама алу үшін, ел намысын қорғауда бар күш-жігерімді саламын», - деді Олжас Оразалы.
