ЧЕМПИОНАТТАН ЖҮЛДЕМЕН ОРАЛДЫ
Алматы қаласында жасөспірімдер арасында қазіргі бассайыстан ҚР қысқы чемпионаты өтті. Жарысқа еліміздің 7 облысы және Қырғызстаннан 300-дей спортшы бақ сынасты. Осы сында жерлестеріміз жақсы өнер көрсетіп, 4 медаль иеленді.
Елу метр қашықтыққа жүзуден және 800 метр қашықтыққа жүгіруден Алмара Жұбатқанова Қазақстан жеңімпазы атанды. Анастасия Горбачева, Кенесары Жәрімбетов күміс жүлдеге ие болса, Анастасия Кочеткова қола жүлдені еншіледі.
Спортшылар №4 облыстық олимпиадалық резервтің мамандандырылған балалар-жасөспірімдер мектебінде тәлім алған. Жаттықтырушысы Бағдәулет Жолдасбековтың айтуынша, жас спортшылар алдында тұрған міндет үстіміздегі жылдың маусым айында Ақмола облысы Бурабай ауданында қазіргі бессайыстан жасөспірімдер арасында Азия чемпионатына іріктеу жарыстарында үздік шығу.
