ҚЫСҚЫ ОЛИМПИАДА ОЙЫНДАРЫНА ҚАТЫСАТЫН Э.ТҰРСЫНБАЕВАНЫ ҚОЛДАУ ШАРАСЫ ӨТЕДІ
Шара 3 ақпанда сағат 12.30-да "Мұз айдыны" СК болады. Шара барысында облысымыздың шайбалы хоккейшілері, шорт-трекшілер және мәнерлеп сырғанаушылар көрсетілім қояды.
Жалпы, Олимпиада ойындары 9 - 25 ақпан аралығында Пхенчхан қаласында (Оңтүстік Корея) өтеді. Төрт жылда бір мәрте ұйымдастырылатын додаға 80 елден 5000-ға жуық спортшылар мен ресми тұлғалар қатысады деп ¬жоспарлануда. 15 спорт түрінен 102 ¬медаль жиынтығы сарапқа салынады. Қазақстанның спорттық делегациясы 9 спорт түрінен сынға түседі. Оның ішінде Сыр елінен мәнерлеп сырғанаудан Элизабет Тұрсынбаева қатысады. Ол 21 және 23 ақпан күндері сағат 10.00-14.10 аралығында өнер көрсетеді.
Жерлесімізге сәттілік тілейміз!!!
