АУЫЛ ЖАСТАРЫНЫҢ ЖАРЫСЫ
Елбасының ''Болашаққа бағдар – рухани жаңғыру'' бағдарламасы аясында Жалағаш ауданы М.Шаменов ауылының жастары шағын футболдан сайыс өткізді.Салауатты өмір салтын сақтау, насихаттау мақсатында ұйымдастырылған бұл шараға ''Мега-агро'' ЖШС-нің директор Манарбек Еспанов демеушілік жасады.
Алдымен, ауыл жастары өзара команданы жасақтап, дайындықты бір пысықтап алды. Содан соң, жасыл алаңға шыққан жастар бір-бірінен оза шабуға тырысып, кезек-кезек қақпаға голь салып жатты. Ойын соңында ''Жас Отан'' Жастар қанаты жалағаш аудандық бөлімінің басшысы Нарбота Серәліұлы жеңімпаз командаларды марапаттап, бағалы сыйлықтар тарту етті.
– Салауатты өмір салтын қалыптастыруға бағытталған мұндай іс-шаралар алдағы уақытта да жалғасатын болады. Бұл ауылдың жасөспірімдері әркез спорттық жарыстарға белсенді қатысып келеді, – дейді ұйымдастырушылар.
