ҰЛАНДАР ШЫҚТЫ ЖАРЫСҚА
Елбасының «Болашаққа бағдар: Рухани жаңғыру» мақаласы аясында қалалық білім бөлімінің ұйымдастыруымен №235 орта мектепте оқушыларды патриоттық, елжандылыққа, Отан сүйгіштікке баулу және салауатты өмір салтын сақтауды насихаттау мақсатында «Тәуелсіздік ұландары» атты эстафеталық жарыс өткізілді.
Жарыс барысында оқушылар «Тұлпар», «Достық» және «Барыс» командалары болып бөлініп, сайысқа түсті. Жарыстың ашылуында еліміздің осы уақытқа дейінгі жетістіктері насихатталып, жарыстың мақсат-міндеттері таныстырылды.
Эстафетаға 5-9 сынып оқушылары мен мұғалімдері қатысып, 5 тур бойынша өнерлерін көрсетті.
Нәтижесінде, «Достық» командасы І орын, «Барыс» командасы ІІ орын және «Тұлпар» командасы ІІІ орын иеленіп, дипломдармен марапатталды.
