Сыр Медиа

Алматыдағы «Halyk Arena» көпфункционалды кешенінде арбамен билеуден Қазақстан чемпионаты аяқталды, деп хабарлайды ҚазАқпарат.

 Чемпионатта 15 облыстан 100-ге жуық параспортшы бақ сынады. Ел біріншілігін тұңғыш рет аккредиттелген спорттық би федерацияларының қауымдастығы өткізді.

  «Барлығы жоғары деңгейде өтті. Ұйымдастыру жағы керемет болды. Өткен жері де әдемі. Қатысушылар үшін барлық жағдайды жасадық. Енді 2019 жылы әлем чемпионатын күтеміз. Өтетін орны мен күні жақын арада белгілі болуы керек», - деді чемпионат төрешісі Алексей Верига.

  Оның айтуынша, біріншілікте озып шыққандар еліміз намысын әлем чемпионатында қорғайтын болады. Бүгінгі жарыс күнінде қатысушылар әдемі ырғақ билерін көрсетіп, фристайл мен сингл биледі. Танго, вальс, самба, румба, джайвтан өзара мықтылар анықталды. Бірінші жарыс күнінде комби стандарт, комби латина және дуо стандарттан жеңімпаздар белгілі болған еді.

Жеңімпаздар мен жүлдегерлер дипломдармен және медальдармен марапатталды.