СОТТА «АШЫҚ ЕСІК КҮНІ» ӨТТІ
Қызылорда облысының қылмыстық істер жөніндегі мамандандырылған ауданаралық сотында «Ашық есік күні» іс-шарасы өткізілді. Онда келушілердің сот шешімдеріне байланысты сұрақтарына жауап берілді.
Солардың бірі, қала тұрғыны Д.Айдарқұлова сотталған баласына қатысты сот үкімінің көшірмесін алу жөнінде және үкімде көрсетілген мемлекет пайдасына сот шығындарын өтеуге сауал қойды. Қабылдауды жүргізген сот төрағасының міндетін атқарушы А.Сабыров қойылған сұрақтарға толық жауап беріп, түсіндірме жасады.
Соттың баспасөз қызметінің мәліметінше «Ашық есік» күні айына бір рет өткізіліп отырады.
