Сыр Медиа

    Сәрсенбі күні Қазалы ауданындағы Жалаңтөс батыр ауылында ауылдық клуб пайдалануға беріледі. 150 орындық клуб құрылысы өткен жылы басталған болатын. Бас мердігер: «Болашақ» ЖШС салған ғимарат ауласында трансформатор қондырғысы, дизельді электр станциясы, бу қазандығы, автотұрақ орналасқан. Жалпы ауданы 680 шаршыметр болатын жаңа ғимаратта көрермендер залы,  үйірме бөлмелері, кітап сақтау бөлмесі, оқырмандар залы, гардероб  қарастырылған. Клубта ән, би, домбыра және көркемсөз оқу үйірмелері жұмыс жасайды.

    Өткен жылы Жалаңтөс батырдың 440 жылдығына орай баһадүр есімін иеленген ауылды абаттандыруға аудандық бюджеттен 70,5 млн теңге   бөлінген болатын. Осы қаржыға салынған орталық алаң да осы күні пайдалануға беріледі. Жаңа орталық алау ауылдағы ескі клуб, балабақша, шаруашылық қоймасының орнына салынған. Сонымен қатар онда шағын демалыс орындары, балалар ойын және спорттық тренажер алаңдары,жарық шамдар, гүлзарлар, сахна орналастырылды.