ЕҢБЕК ЗАҢДЫЛЫҚТАРЫН БҰЗУ ДЕРЕКТЕРІ БОЙЫНША НҰСҚАМА БЕРІЛДІ
Қызылорда облысының еңбек саласындағы бақылау басқармасы осы жылғы 9 айды қорытындылады.
Жыл басынан бері түрлі меншіктегі 246 мекеме мен кәсіпорын тексерілген.
Тексеру барысында еңбек заңнамасы бойынша 262, еңбек қауіпсіздігі және еңбекті қорғау заңнамасы бойынша 40, халықты жұмыспен қамту заңнамасы бойынша 17 заң бұзушылықтар анықталған.
Осыларды жою жөнінде 167 нұсқама беріліп, оның 155 орындалды, жалпы анықталған 319 заң бұзушылықтың 303-і жойылды (95,0 0%).
Тексеру қорытындыларымен 5309460 теңге мөлшерінде 44 айыппұл салынып, оның 4379170 теңгесі өндірілді (82,5%).
Жыл басынан бері мемлекеттік еңбек инспекторлары облыстағы мекемелер мен кәсіпорындарда 67 рет құқықтық оқулар мен кездесу өткізді.
