БӨБЕКЖАЙ ҰЖЫМЫ ДА БАСТАМАҒА ҮН ҚОСТЫ
Жалағаш кентіндегі «№19 санаторлық бөбекжай» ұжымы да латын әліпбиіне көшу жөніндегі бастамаға орай жиын өткізді.
Бөбекжай әдіскері Н.Әбсаттарова әріптестеріне латын әрпіне көшу елдің рухани серпілісіне серпін беретінін жеткізді.
Бір кезде тарих бедерінде біз мұндай қадамды жасағанбыз. Балаларымыздың болашағы үшін осындай шешім қабылдауға тиіспіз. Өйткені, латын қарпі әлемдің өркениетке ашылған терезе іспетті, – деді ол.
Жиында латын әліпбиіне көшуді кешеуілдетпей қолға алу қажеттігі сөз болды.
Әдіскер хабарламасынан кейін сөз алған бөбекжайдың өзге де қызметкерлері жаңа әліпби ұлттық санамыздың қайта жаңғыруына жол ашатынын айтты.
