ШЫҒАРМАШЫЛЫҚ БАЙҚАУ МӘРЕСІНЕ ЖЕТТІ
Қызылорда облыстық ішкі саясат басқармасының «Дін мәселелерін зерттеу орталығы» КММ-сі «Қазақстан – рухани келісім мекені» атты облыстық шығармалар байқауын ұйымдастырды.
Байқауға аудан және қалаға қарасты мешіттерден барлығы 30-ға жуық шығарма келіп түсті. Діни бірлестіктер арасында өткен байқауға қатысқандар еліміздің ұлтаралық татулықты сақтаудағы ерекшелігін, дінаралық келісімнің жолға қойылғанын көркем тілмен жеткізе білді.
Шығармаларды тілші, тіл маманы, діни бірлестік өкілінен құралған қазылар алқасы бағалады.
Нәтижесінде Төретам кентіндегі «Жәрімбет ата» мешіті мен Құдай анасы иконасының Әулие-Қазан шіркеуі І орын, қалалық «Айтбай» мешіті мен «Надежда» шіркеуі ІІ орын, қалалық «Нұр» мешіті мен «Любовь» шіркеуі ІІІ орын иеленді.
