ШАРУАШЫЛЫҚТАР ТІРЛІГІ ШИРАП КЕЛЕДІ
Мемлекет тарапынан жасалған үздіксіз қолдау Қармақшы ауданында ауылшаруашылығымен айналысушылар қатарын арттырды. Солардың бірі "Ертілеу" шаруа қожалығы.
Осыдан 11 жыл бұрын Иіркөл ауылдық округіндегі алғашқы кәсіп иелерінің бірі атанған Бекболат Құрманаев ең әуелі мал басын көбейтуге ден қойды. Оның бұл талабы ізсіз кеткен жоқ. Қазір «Ертілеу» 221 сиыр, 345 бас қой-ешкі өсіріп, аудандағы алдыңғы қатарлы шаруашылыққа айналды.
Сонымен қатар, шаруашылықтағылар МТЗ-80, ЮМЗ тракторы мен арнайы техникалар арқылы малдың жем-шөбін өздері дайындайды. Кәсібінен нәсібін тауып, шаруасын шалқытып отырған қожалық иесі Бекболат Құрманаевтың айтуынша биыл қожалық 14 мың дана пішен, 3 мың дана жоңышқа және 4 мың дана сабан пресс әзірлеген.
Осыдан 3 жыл бұрын «Аграрлық несие коорпарациясы» арқылы 9 млн теңге несие алған қожалық «Сыбаға» мемлекеттік бағдарламасының қолдауын сезініп отырған шаруашылықтың бірі.
