АШЫҚ ЕСІК КҮНІ ӨТТІ
Бүгін ҚР ІІМ ҚАЖ комитеті Қызылорда облысы бойынша ҚАЖ департаментінің ЗК-169/5 мекемесінде жоспарға сәйкес тікелей мекеме ұйымдастыруымен «Ашық есік» күні іс-шарасы өткізілді. Шараның негізгі мақсаты қылмыстық-атқару жүйесінің ашықтығын әрі шынайылығын айқын көрсету.
«Ашық есік күні» іс-шарасына мекемедегі 35 жаза мерзімін өтеуші азаматтардың ата-аналары мен туған-туысқандары қатысып, түзеу мекемесі өмірінен ақпараттық тақталармен (психолог бұрыштары, жасақ бұрыштары және кездесу, сәлемдеме беру тәртіптері туралы мәліметтер), кітапхана, орта және арнайы білім алу оқу орнымен, кездесу бөлмелері, асхана және ас мәзірімен (диеталық тағамдар түрімен) танысып өтті.
Мекеменің әкімшілік қызметкерлері жаза мерзімін өтеушілермен олардың ата-аналары және туған-туысқандарының құқықтарының сақталуын қамтамасыз ету тұрғысында пікірлер алмасып, «Ашық есік күнін» қорытындылау, аталған іс-шараның жабылу салтанаты жаза мерзімін өтеушілердің концерттік бағдарламасын тамашалаумен аяқталды.
САТЖЖ бөлімінің бастығы.
әділет майоры С.Ким
