РУХАНИ ЖАҢҒЫРУ: ҰЛТТЫҚ ТӘРБИЕ БЕРГЕННЕН ҰТЫЛМАЙМЫЗ
Бұл туралы өңірлік коммуникациялар қызметінде өткен баспасөз мәслихатында әл-Фараби атындағы Қазақ ұлттық университетінің профессоры, филология ғылымының докторы Анар Салқынбай мәлімдеді.
Ғалым Елбасының "Болашаққа жол: Рухани жаңғыру" мақаласындағы негізгі бағыттарды саралады.
Шетелдік кез-келген ақпаратты дәл сол қалпында қабылдайтын болсақ, Елбасы айтқандай, ол үлкен қатер болмақ. Сондықтан, бұл мәселелер басты назарда болғаны жөн.
Рухани жаңғыру - бір нәрсені жасау, шетелдің дүниесін игеру емес, бұл өзіміздегі бар нәрсені жаңғырту. Бізде ашылмаған көмбелер өте көп. Жазба ескерткіштер, жазбалар, қиссалар, эпостық жырлар секілді дүниелерімізді әрбір қазақ баласы оқып, көріп, түсіне алса бұл рухани жаңғырудағы басты міндеттің орындалғаны болар еді. Сондықтан Елбасының бұл бағдарламасы үлкен бастама деп білемін, – деді ғалым.
