19 шілде: Атаулы күн
1963 жылы Қазақ КСР Министрлер Кеңесінің қаулысымен Батыс Қазақстан ауыл шаруашылығы институты ашылды. Бүгінде оқу орны Жәңгір хан атындағы Батыс Қазақстан агротехникалық университеті деп аталады.
1989 жылы Қызылорда облысы Жалағаш ауданы Жаңаталап совхозында балалар көркемсурет мектебі ашылды.
1996 жылы Атлантада XXVI Олимпиада ойындары басталды. Оған спортшылардың рекордты саны - 10 744 (7060 ер, 3684 әйел) адам қатысты. Қазақстан Аталантада тәуелсіз мемлекет ретінде тұңғыш жазғы Олимпиада ойындарына қатысты.
3 алтын, 3 күміс және 4 қола медальмен Қазақстан құрамасы жалпыкомандалық есепте 24-орынға табан тіреді.
2007 жылы Орталық сайлау комиссиясы жанынан Қазақстан Республикасы Парламенті Мәжілісінің кезектен тыс және мәслихаттардың кезекті сайлауы барысында туындауы мүмкін ақпараттық талас-тартыстарды қарастыратын қоғамдық кеңес құрылды.
2010 жылы Леоу Нин (ҚХР) университетінің профессоры Су Шу Янның «Қытайтану» кітабы жарыққа шықты. Оны қытай тілінен қазақ тіліне Дулат Мәлікұлы, Бек Дөкейұлы, Серік Кененбай аударды. Қазақстанда кітап «Хұснихат» баспасынан шықты.
2010 жылы ҚР Тұңғыш Президенті - Елбасы «Қазақстан Республикасының әуе кеңістігін пайдалану және авиация қызметі туралы» ҚР Заңына қол қойды.
2010 жылы Шанхай ынтымақтастық ұйымына Қазақстан төрағалығының ресми веб-сайты - ww.sco2011.kz қызметін бастады.
2012 жылы Семейде Полковничий аралында «Әлем музейі» жобасы таныстырылды.
