28 қаңтар: атаулы күндер мен оқиғалар
1992 жылы Қазақстан Республикасы мен Корей Республикасы арасында дипломатиялық қарым-қатынас орнату туралы хаттамаға қол қойылды.1993 жылы ҚР Жоғарғы Кеңесі тәуелсіз Қазақстан Республикасының тұңғыш Конституциясын қабылдады.
1994 жылы «Түркістан» апталық газетінің алғашқы саны жарық көрді.
1994 жылы Шығыс Қазақстан облысының Абай ауданында Абай Құнанбайұлының шәкірті, ақын Көкбай Жанатайұлы атындағы қор ашылды.
2010 жылы «Еуразиялық сауда жүйесі» (ЕСЖ) Қазақстан қаржыгерлері қауымдастығының (ҚҚҚ) толыққанды мүшесіне айналды.
2015 жылы Қазақстан Республикасының Ұлттық банкі «Тайқазан», «Amir Timur», «Боран», «Шәкен Айманов», «8 наурыз» және «Баскетбол. Олимпиада ойындары-2016» естелік монеталарын шығарды. Монеталар 925-ші сынамалы күмістен шығарылған. Максималдық тиражы - 3 мыңнан 13 мың данаға дейін.
