26 қаңтар: оқиғалар мен атаулы күндер
1981 жылы Мұхтар Әуезов атындағы Қазақ мемлекеттік академиялық драма театрының жаңа ғимаратының ашылу салтанаты өтті. Сәулетшілері - О.Баймырзаев, А.Қайнарбаев, М.Жақсылықов (жоба авторлары 1982 жылы Қазақстанның Мемлекеттік сыйлығына ие болды).1992 жылы Мәскеуде Қазақстан Республикасы мен Жапония арасында дипломатиялық қарым-қатынас орнату туралы хат алмасу рәсімі өтті.
1924 жылы «Ақ жол» газетінде Ж.Аймауытовтың «Әйелді мектепке алыңдар» деген мақаласы жарық көрді.
2006 жылы Қазақстанда Еуразиялық мәдениет қорының бастамасымен «Ұлт байлығы» атты сыйлық бекітілді. Бұл сыйлық әлемде және өз еліміздегі қызметтері көпшілікке танылған Қазақстан азаматтарына мемлекеттік, экономика, ғылым және мәдениет саласының дамуына қосқан зор үлесі үшін беріледі. Сыйлықты мемлекеттік, қоғам, діни, сонымен бірге ғылым, экономика, әдебиет, өнер, білім бері және спорт саласының қайраткерлері ала алады. Сыйлықты беру туралы шешімді Еуразиялық мәдениет қорының кеңесінде қабылданады. Алдын ала талдау жұмыстарын өткізу үшін сарапшы комиссиясы құрылады. «Ұлт байлығы» атты сыйлық жыл сайын беріледі.
