Белсенді студенттер Аралдағы жазғы лагерьде бас қосты (ФОТО)
Kyzylorda-news.kz. Қорқыт Ата атындағы Қызылорда мемлекеттік университетінде жақсы білім алумен қатар белсенділік танытқан студенттерді ынталандыру мақсатында жазғы тынығу лагері ұйымдастырылды.
Жылдағы дәстүрге сай биыл да студенттер жазғы тынығу лагерінде бас қосты. Үш күнге созылған демалыс Арал ауданындағы «Наурыз» демалыс орнында өтті.
«Студенттік лагерь - 2019» жазғы тынығу лагерінде жастар түрлі форматтағы шараларға қатысып уақытын қызықты өткізді. Сонымен қатар «Жастары белсенді елдің – ертеңі жарқын!» тақырыбында дебат ойындары, «Абай дана, Абай дара қазақта» атты Абай Құнанбаевтың 175 жылдығына арналған мәнерлеп өлең оқу байқауы да өтті.
Шараның қорытынды кешіне университет ректорының міндетін атқарушы Бахытхан Абдикаримов пен облыстық кәсіподақ комитетінің төрайымы Райкүл Байназарова қатысып, жалынды жастардың шығармашылығына сәттілік тіледі.
