БАРША ЖҰРТ ҚОЛДАҒАН БАСТАМА
Елбасының «Болашаққа бағдар: Рухани жаңғыру» бағдарламалық мақаласы аясында қазақ алфавитін латын әліпбиіне көшіруге сәйкес Сырдария ауданында мектеп мұғалімдері, ардагер-ұстаз басқосу жүйелі түрде өткізіліп, онда ел жаңғыруының басты шарасы саналатын бастамаға қолдау білдірілуде.
Білім саласы мамандары арасында «Қазақ әліпбиін латын графикасына көшіру», «Латын әліпбиіне көшу – заман талабы» тақырыбында өткен дөңгелек үстел жұмысына оқушылар да қатысып, өз пікірлерін білдірді.
Сонымен қатар, мектепке дейінгі білім беру ұйымдары арасында «Латын графикасын пайдалану ерекшелігі» тақырыбында түсіндірме жұмыстары жүргізіліп, барлық мектептерде латын әліпбиіне көшуге байланысты мектепішілік жұмысшы тобы құрылды.
