Енді пернетақта келмеске кетеді
Kyzylorda-news.kz. «Ұзақ уақыт бойы адамзат мәтінді компьютер пернетақтасы арқылы жылдам терді. Бұл жолмен біз минутына 52 сөз жаза аламыз. Дегенмен, ірі халықаралық зерттеу көрсеткендей, бұл дәуір де келмеске кетуі мүмкін», деп хабарлайды ҚазАқпарат.
«Кембридж университетінің және Финляндиядағы Аалто университетінің IT-мамандары 160 мемлекеттен 37 мың адамға мәтін теруді үйреткен. Ғалымдар зерттеуге қатысушылардың мәтінді телефонда теру жылдамдығын анықтаған. Қатысушылар телефонда минутына 38 сөз жазған. Бұл мобильді телефондағы мәтін теру жылдамдығының арту тенденциясын көрсетеді. Зерттеуге қатысушы жастар телефонда минутына 40 сөз тереді», деп жазады автор.
Оның айтуынша, зерттеуге қатысушылар күніне телефонмен 6 сағат уақыт өткізген. Бұл да мәтінді тез теруге әсер еткен фактор болуы мүмкін.
«Сонымен қатар телефонда мәтінді автоматты тексеру жүйесі де жылдамдықты арттыруға әсер етеді. Смартфонмен мәтінді компьютер пернетақтасымен бірдей жылдамдықта теру болашақты пернетақталардың келмеске кетуіне әсер етуі мүмкін», депті зерттеу авторлары.
