ЖАҢАША ДАМУДЫҢ ЖАРҚЫН БАСТАМАСЫ
Бұл туралы Өңірлік коммуникациялар қызметінде Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын талқылауға арналған өткен баспасөз конференциясында саясаттанушы Сәулет Сахиев айтты.
Ол қазіргі басты міндет жаңа технологияларды түрлі салаларға ендіру екендігін атап өтті. Рас, жаңа технологиялар, инновациялар, ІТ жүйелері қолданыста бар. Бірақ, әлі де болса, оларды ендіру мәселесі баяу жүруде. Сондықтан, түрлі салаларды жаңа технологиямен қамту, өндірісті автоматтандыру алға қойылатын басты мақсатымыз болуы керек. Елбасы сонымен бірге, білім саласына көп көңіл бөлуді міндеттейді.
– Мәселен, Жапонияда 2 сыныптан бастап оқушыларға ғылыми жоба жаздыртады. Бұл жұмыстар баланың ойлау қабілетін, интеллектісін жоғарылатады. Қазіргі таңда, бұл тәжірибе біздің мектептерде де жүзеге асуда. Адам өзінің дамуында бүкіл мүмкіншілігін көрсету қажет. Елбасы осы жайтқа мән береді, – деді саясаттанушы.
