КООПЕРАТИВ ИГІЛІГІ КӨПКЕ ОРТАҚ
Шиелі ауданы Талаптан ауылдық округінің әкімі Амангелді Шералыұлы тұрғындар алдында былтыр атқарылған жұмыстар есебін берді.
Округ орталығы Балаби ауылында өткен есепті кездесуге аудандық мәслихаттың депутаттары, мемлекеттік органдар мен мекемелердің басшылары, денсаулық сақтау, құқық қорғау органдарының қызметкерлері, ауыл тұрғындары қатысты.
Кездесу барысында ауыл тұрғындарымен өзекті мәселелер көтеріліп, тиісті мекеме басшылары жауаптарын берді.
Төрт мыңнан астам тұрғыны бар ауылда ауылшаруашылығы өнімдерін өндіру және тұрғындарды жұмыспен қамту мақсатында былтыр «Балаби» өндірістік кооперативі құрылып, жұмыс жасауда.
Ауыл әкімінің кезекті есебін тыңдаған аудан басшысы Әшім Оразбекұлы «Нәтижелі жұмыспен қамту және жаппай кәсіпкерлікті дамыту» бағдарламасын күшейту барысында нақты тапсырмалар берді.
