БАЙЫПТЫ БАСТАМАЛАР ЖҮЗЕГЕ АСАДЫ
Сарапшылар әлемдік экономиканың бүгінгі даму беталысын байыптай отыра, 2050 жылға қарай әлемдік экономика құлдырауы мүмкін деп есептейді. Бұл туралы бүгін Қызылордада өткен идеологиялық активте облыс әкімі Қ. Көшербаев айтты.
Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауына аранлған жиында аймақ басшысы қазіргі кезде табиғи ресурстарды тиімсіз пайдаланудың жағымсыз нәтижелері жаһандық сипат алғанын атып өтті.
Экономиканың өсуі және жалғасып жатқан урбанизация процесстері республикада қатты тұрмыстық қалдықтар көлемінің жыл сайын өсуіне себепкер болып отыр.
Осы ретте, қатты тұрмыстық қалдықтарды қайта өңдеу жүйесін қалыптастырып және өртеу-өңдеу зауыттарының құрылысын салу үшін инвестиция тарту жоспарлануда.
Сонымен қатар, аймақта жаңартылатын энергия көздерін пайдалану бойынша да жұмыстар қолға алынды.
Алдағы уақытта бұл бағытта тағы да 2 жобаны жүзеге асыру басталды. Инвестор «Байқоңыр Солар» серіктестігі Сұлутөбе мен Бірқазан елді мекендерінің аралығында қуаттылығы 50 МВт күн электр станциясының құрылысын салуды жоспарлауда. Қазіргі уақытта технико-экономикалық негіздемесі әзірленіп жатыр.
Сонымен қатар, Жалағаш ауданында қуаттылығы
30 МВт күн электр станциясының құрылысын салу жоспарланған. Станцияның құрылыс жұмыстарына инвестор «Номад Солар» серіктестігі ниет білдіріп отыр, – деді аймақ басшысы.
Аталған іс-шараларды іске асыру өңірдің әлеуметтік-экономикалық дамуына, сондай-ақ, «жасыл экономикаға» көшу тұжырымдамасында қарастырылған мақсаттарға жетуге оң ықпалын тигізеді.
