Сыр Медиа

жауапкершілігі шектеулі серіктестік
» » Төтенше жағдай кезінде Шиеліде ауыл әкімі той тойлаған

Төтенше жағдай кезінде Шиеліде ауыл әкімі той тойлаған

Kyzylorda-news.kz. Елімізде жарияланған төтенше жағдай кезінде Қызылорда облысында оның талаптарын бұзушылар күні бүгінге дейін азаймай отыр. Қарапайым халықты былай қойғанда, мемлекеттік қызметшілер – әкімдердің өзі той тойлап жүр. Бұл туралы Өңірлік коммуникациялар қызметінде өткен брифингте облыс прокурорының бірінші орынбасары Талғат Айтбайұлы мәлімдеді.
«Төтенше жағдай күшінде болу кезеңінде спорттық, ойын-сауық және басқа да бұқаралық іс-шаралар, сондай-ақ отбасылық, атаулы іс-шараларды өткізуге тыйым салынған. Соған қарамастан өңірімізде жекелеген азаматтар осы талаптарды ескермей, үйлерінде той-томалақ жасап, кафе, мейрамханалар және т.б. ойын-сауық орындары түнгі 22:00-ден кейін де қызметтерін жалғастыруда. Осы әрекеттері үшін құқық қорғау органдарымен төтенше жағдай жарияланғалы Қазақстан Республикасы Әкімшілік құқық бұзушылық туралы кодексінің 476-бабымен 49 тұлғаға әкімшілік хаттамалар толтырылды. Оның 14-і соттың қаулысымен әкімшілік қамауға алынса, 23-не әкімшілік айыппұл салынды. Қалған 12-і соттың өндірісінде», – деді Талғат Айтбайұлы.
Оның сөзінше, аталған талапты жеке тұлғалардан бөлек мемлекеттік қызметшілер, оның ішінде, әкімдер де Жарлықтың талаптарын сақтамайтын көрінеді.
Мәселен, Шиелі ауданы, Төңкеріс ауылының әкімі Нұрманова Әлия Тәшкенбайқызы ағымдағы жылдың 28 наурыз күні сол ауылдың Сәтпаев көшесі №6 мекен-жайында орналасқан туысы Есмағамбетов Мұхтар Қамбарұлының үйіне өзі алып келіп, келін түсірген. Бұл ақпарат әлеуметтік желіде жүргізілген мониторинг және Аружан Дүйсебаеваның «Facebook» парақшасында жарияланғна.
«Үй иесі Шиелі аудандық сотының 28.03.2020 жылғы қаулысымен 10 тәулікке әкімшілік қамауға алынды.Сол сияқты, Қызылорда қаласындағы «Оригон» кафесінің сағат 22.00-ден кейін жұмыс істегені және онда 20-дан астам келушілердің болғаны анықталып, кафе иесі С.Тянға қатысты әкімшілік хаттама толтырылды. Соттың 25.03.2020 жылғы қаулысымен кафе иесі С.Тян ӘҚБтК-тің 476-бабымен кінәлі деп танылып, оған 20 айлық есептік көрсеткіш мөлшерінде әкімшілік айыппұл салынды», – деді облыс прокурорының бірінші орынбасары.
Сондай-ақ, 25.03.2020 жылы «Сұлтан» базарының киім-кешек сататын орындары сағат 17.00-ден кейін жұмыс жасағаны және онда 60 астам келушілер мен сатушылар болғаны анықталған. Соттың 26.03.2020 жылғы қаулысымен базар иесі Л.Ризванова төтенше жағдай режимін бұзғаны үшін кінәлі деп танылып, оған 10 айлық есептік көрсеткіш мөлшерінде айыппұл салынды.
01 сәуір 2020 ж. 283 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области