Kyzylorda-news.kz. Қызылордада 1941- 1945 жылдардығы Ұлы отан соғысына қатысқан жауынгерлер мен Кеңес одағы батырларын ұлықтау, еске алу мақсатында 1975 жылдың ақпан айында Ұлы Жеңістің 30 жылдығына арналып Қазақстан Орталық Компартиясының қаулысымен салынған. Ескерткіш биіктігі 20 метр. Бетоннан жасалған, платформа үстіне орнатылған екі басқыш баспалдағы бар. Мемориал құрылысына титан, гранит, мрамор, латун материалдарын пайдаланған. Монументтің негізгі бөлігі – стела, платфолрма үстіне орнатылған. Оның екі жағында «1941-1945» және орта тұсында «Ер есімі ел есінде» деген жазу орнатылған. Стеланың негізі элементі Мәңгі алаудан көке самғап тұрған күннің 5 сәулесін жұлдызды бейнелейді. Стела артында аллея жасалған, онда соғыс уақытында қаза болған батырлардың есімдері қашалып жасалған. Ескерткіш Қызылорда қаласы, Дінмұхаммед Қонаев көшесінде орналасқан.
