Сыр Медиа

    Қазақстан коммунистік халықтық партиясы облыстық филиалының өкілдері азаматтық соғыс батырларына орнатылған ескерткіш маңайында сенбілік ұйымдастырды.

    Орталық базар жанындағы ескерткіштің мүшкіл халін қалалықтар жиі айтатын. «Невада-Семей» қалалық бірлестік жетекшісі Бархан Ақылбаев осыған байланысты тиісті орындарға хат та жазған екен. Осыдан кейін ғана обелиск әктеліп, маңайы ретке келтіріліпті.

    Партия мен ҮЕҰ өкілдері ескерткіш жанын тазартып, жастарды тарихты қадірлей білуге шақырды.  

    - Бізді мектепте өткен тарихты ұмытпауға, керісінше ұлықтауға үйретті,– дейді партияның облысты филиалы жетекшісі Талғат Телеубаев. – Әрине, Қазан төңкерісі мен азаматтық соғыстың зардабы аз емес. Бірақ, сол дәуірдің адамдары осы жолда жанын қиды. Сондықтан да біз мұны ұмытуға тиісті емеспіз.

    Сенбілік соңында жиналғандар төңкеріс жолында құрбан болғандарды бір минут үнсіздікпен еске алды.