Сыр Медиа

Қорқыт Ата атындағы Қызылорда мемлекеттік университетінің 80 жылдық мерейтойы аясында «80 жылдыққа 80 минуттық жаттығу» атты университет профессор-оқытушылары мен студенттерінің қатысуымен сенбілік сергіту сәті өтті. Оған оқу орнынан 200-ге жуық адам қатысты. Шара барысында арқан тартыс, кір тасын көтеру, жүгіру және өзге де спорт түрлерінен сайыстар ұйымдастырылды.
Сыр өңіріндегі 80 жылдық тарихы бар университетте   500-ге жуық білікті профессор-оқытушылар қызмет етеді. Шара соңында жеңімпаздарға арнайы сыйлықтар мен дипломдар табысталды.
Естеріңізге сала кетейік, аталмыш іс-шара университеттің 80 жылдық мерейтойы аясында «Жұлдызды 30 күн» атты жоспар аясында көрсетілуде.