Қармақшыда екі жүк көлігі соқтығысып, 1 адам қайтыс болды
Kyzylorda-news.kz. Қызылорда облысындағы «Батыс Еуропа - Батыс Қытай» тасжолының бойында екі жүк көлігі соғысты. Апаттың салдарынан бір адам қаза болған.Көлік апаты Қармақшы ауданына қарасты IIІ Интернационал ауылының тұсында жергілікті уақытпен сағат 15.00-де болды. Жол бойында «Volvo» маркалы жүк көлігінің жүргізушісі көлікті басқара алмай қалған.
«Соның салдарынан «Volvo» қарама-қарсы бағытта келе жатқан «КаМАЗ» жүк көлігін соққан. Нәтижесінде «КаМАЗ» жүк көлігінің жүргізушісі қайтыс болды. Аталған дерек бойынша ҚР Қылмыстық Кодексінің 345-бабының 3-бөлігімен сотқа дейінгі тергеп-тексеру амалдары жүргізілуде. Онда абайсызда адамның өліміне әкеп соққан жол жүрісі қағидаларын бұзу жағдайы болғандығы көрсетілген. Қылмыстық іс бойынша барлық қажетті сот сараптамалары тағайындалды. Оқиғаның мән-жайы анықталуда», - деп мәлім етті Қызылорда облыстық полиция департаментінің баспаөз қызметі.
