Төтенше жағдай: Қызылордада 11 жеке, 1 мемлекеттік колледж қашықтан оқытуға дайын болмаған
Kyzylorda-news.kz. Бүгін өңірлік коммуникациялар қызметінде білім саласында сапаны қамтамасыз ету департаментінің басшысы Ғалия Дәулетованың қатысуымен баспасөз мәлихаты өтті.Елімізде енгізілген төтенше жағдай кезінде облыстағы 30 техникалық және кәсіптік білім беру ұйымдары ағымдағы жылғы 16 наурыздан бастап қашықтан оқуға көшкені белгілі. Бірақ 15 наурыз күні өткізілген алдын ала бақылау барысында Қызылордадағы 11 жеке және 1 мемлекеттік колледж қашықтан оқуға дайын болмаған.
«Облыстық білім басқармасымен бірілесіп жұмыс жасау нәтижесінде 18 наурызға дейін ақпараттық жүйе орналастыруға өтінімдер жинақталып, Ұлттық білім беру деректер қорынан мәліметтер алынып, "CollegeSmart Nation» платформасына оқу жылының аяғына дейін тегін пайдалануға байланысты жұмыстар ұйымдастырылды», - дейді Ғалия Ноғайқызы.
Сонымен қатар, ай сайын жалақының және кезекті еңбек демалыс ақысының уақытылы төленуіне аудандар бөлінісінде мониторинг жүргізілуде. Қазіргі уақытта еңбек демалысына кететін педагогтардың еңбек ақысының уақытында төленуі бақылауға алынған.
