СЫБАЙЛАС ЖЕМҚОРЛЫҚҚА ҚАРСЫ КҮРЕСУ – БАСТЫ МІНДЕТ
Қорқыт атындағы ҚМУ «Құқықтану» кафедрасының оқытушысы Е.К.Саниязованың ұйымдастырумен «Сыбайлас жемқорлыққа қарсы мәдениет негіздері» пәнінен алған теориялық білімдерін бекіту мақсатында «Инженерлік-технологиялық» факультетіне қарасты оқу топтарының арасында «Сыбайлас жемқорлыққа қарсы күрес - біздің міндетіміз» тақырыбында топ аралық сайыс өткізілді.
Сайысқа осы оқу топтарынан құралған «Әділет», «Ақиқат», «Қорқыт қырандары» болып, үш топ жарысты. Жарыстың мақсаты- студенттердің сыбайлас жемқорлыққа қарсы төзбеушілік «иммунитеті» қалыптастыру, сыбайлас жемқорлықтың қауіптілігін түсіндіру, осы пән бойынша алған білімдерін жетілдіру. Сайыс барысында студенттер арнайы жобаларын таныстырып, сыбайлас жемқорыққа қатысты сұрақтар мен ситуациялық сұрақтарға жауап берді.
Сайыс қорытындысы бойынша «Ақиқат» тобы жеңіске жетті.
