Қызылордада коронавирустан 1663 адам емделіп шықты
Kyzylorda-news.kz. Қызылорда облысында коронавирус инфекциясын жұқтырған 2541 адам тіркелді. Оның 1663-і емделіп шықты. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сабит Пазилов баяндады."Өңірде вирус өршіген кезде жедел жәрдем қызметіндегі бір бригадаға 38-36-ға дейін шақыртулар түссе, қазір 16-18-ге азайды. Ал науқастардың көбейген кезінде қалалық аруханаларда оттегі баллондарын пайдаланушылар саны 170-ке жетсе, қазір 70 баллонға кеміді. Мемлекеттік бюджеттен және жеке кәсіпкерлердің есебінен 112 оттегі концентраторы алынды. Оған қоса көрші мемлекеттерден де гуманитарлық көмектер келді. Оның ішінде дәрілік заттар мен медициналық жабдықтар және қорғаныш құралдары бар",- деді басқарма басшысы.
Бүгінде Қазақстан Республикасы Денсаулық сақтау министрлігімен "Коронавирусты инфекциясына байланысты эпидемияға қарсы шаралар жоспары" бекітілді. Аймақ бойынша жоспарда көрсетілген шараларды бағалайтын 18 индикатордың 12-не қол жеткізілген. Ал қалған 4 индикатор төсек санын көбейтуге және ПТР анализдеріне, реанимациялық төсек орындарының, жасанды өкпе желдеткіш аппаратына байланысты болып отыр.
"Қазіргі таңда, бұл мәселеге байланысты конкурс жүргізілуде. Мұнан өзге, жұмыс істеп тұрған жасанды өкпе желдеткіш аппараттарының саны 64 болса, қазір 99- ға жетті»,- деді бас дәрігер.
