Коронавирус кене арқылы жұға ма?
Kyzylorda-news.kz. Асфендияров атындағы қазақ медицина университетінің профессоры, эпидемиолог Сәкен Әміреев кене коронавирус тасымалдамайтынын айтты, деп хабарлайды Stan.kz.Эпидемиологтың айтуынша, коронавирустың қан соратын жәндіктер арқылы жұғу ықтималдығы өте төмен.
«Кене ақпан айының басында шыға бастады. Әдетте бұл жәндіктің белсенділгі сәуір-мамыр айларында арта түседі. Кененің шағуы өте қауіпті. Алайда күн жылына бастағанда тірілген маса мен кене сияқты жәндіктер коронавирустық инфекция қоздырғышының таралуына қатыса алмайды. Бұл ғылыми тұрғыда дәлелденбеген», – деді Сәкен Әміреев.
