ЗАҢНАМАНЫ БҰЗУШЫЛЫҚ БЕЛГІЛЕРІ АНЫҚТАЛҒАН
Еліміздің Ұлттық экономика Министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаменті «Қызылорда су жүйесі» ШЖҚ МКК іс-әрекеттерінен Қазақстан Республикасы бәсекелестікті қорғау саласындағы заңнамасын бұзушылық белгілерінің бар екендігі туралы хабарлама жолдады.
Департамент мамандары Қызылорда облысы прокуратурасының 2018 жылғы 26 қаңтардағы хатымен ұсынылған мәліметтерді қарау барысында «Қызылорда су жүйесі» ШЖҚ МКК іс-әрекеттерінде өзінің үстем жағдайын теріс пайдалану арқылы ҚР Кәсіпкерлік кодексінің 174-бабына сәйкес белгілі бір тұтынушылар тобының заңды құқықтарына қысым жасайтын бұзушылық белігілері анықталды. Атап айтқанда кәсіпорын тұтынылған су көлемі бойынша тұтынушыларға «Бірыңғай төлем құжаты» арқылы дәйексіз және жалған төлем есепшоттар ұсынған.
Осы ретте, аталған департаментпен Қазақстан Республикасы Кәсіпкерлік кодексінің 199-бабының 1-тармағына сәйкес, кәсіпорынға Қазақстан Республикасының бәсекелестікті қорғау саласындағы заңнамасын бұзушылық белгілерін жою туралы хабарлама жолданды.
Қазақстан Республикасы Ұлттық экономика
министрлігі Табиғи монополияларды реттеу,
бәсекелестікті және тұтынушылардың
құқықтарын қорғау комитетінің Қызылорда
облысы бойынша департаменті
