ҚЫЗЫЛОРДАЛЫҚТАР АЛҒЫС АЙТУ КҮНІН АТАП ӨТІП ЖАТЫР
Алғыс айту күніне орай аймақта мерекелік іс-шаралар өтіп жатыр.
Алғыс айту күні Мемлекет басшысының ұсынысымен 2016 жылдың 15 қаңтарында бекітілген болатын. Бұл бастаманы Президент Қазақстан халқы Ассамблеясының сессиясында көтерген болатын.
"Алғыс айту күні - біздің мемлекеттік күнтізбемізде жақында ғана пайда болған ерекше мереке. Жас мереке болса да, бұл күн терең тарихымыздың белгісі. Ол сол бір қиын кездерді еске алып тұрады. Ол кезде адамдардың ең құнды қасиеттері қайырымдылық, рақымдылық пен өзара көмек болатын", - деген еді Президент.
