ЖҰМА КҮНІ ҚАЗАҚСТАННЫҢ ОҢТҮСТІГІНЕ ҚАР ҚАЛЫҢ ТҮСЕДІ
Жұма күні Қазақстанның басым бөлігінде атмосфералық ағымдардың өтуіне байланысты ауа құбылмалы болады.
Кей жерлерде қар жауады. Елдің оңтүстігі мен солтүстік-батысына қар қалың түседі. Республиканың батысы мен солтүстік-батысында ғана қар жаумайды. Республиканың көп жерлерінде тұман түсіп, көктайғақ болып, жел күшейіп, боран соғады, деп хабарлайды «Қазгидромет» РМК.
Шығыс Қазақстан облысының кей жерлерінде боран соғып, тұман түсіп, жолда көктайғақ болады, желдің жылдамдығы секундына 15-20 метрге жетеді.
Атырау, Батыс Қазақстан, Ақтөбе, Қостанай, Ақмола, Солтүстік Қазақстан облыстарында желдің жылдамдығы секундына 15-20 метрге дейін күшейеді. Солтүстік Қазақстан облысында боран болады.
Жамбыл, Алматы, Қызылорда облыстарында тұман түсіп, көктайғақ болады, Жамбыл облысында күндіз желдің күші кей жерлерде секундына 15-20 метрге жетеді.
Маңғыстау облысында тұман түсіп, желдің жылдамдығы секундына 15-20 метр болады. Қарағанды, Оңтүстік Қазақстан облыстарының кей жерлеріне тұман түседі.
