112 ҚҰҚЫҚ БҰЗУШЫЛЫҚ АНЫҚТАЛДЫ
Қызылорда ОІІД Жергілікті полиция қызметі табиғатты қорғау полициясы құрылымдарымен осы жылдың 2 айында экологиялық құқық бұзушылықтар мен қылмыстың алдын алу, ескерту, жолын кесу және анықтау бағытында бірқатар ұйымдастырушылық шаралар жүргізілді.
Нәтижесінде, есепті мерзімде табиғат қорғау заңнамаларын бұзушылықтың 112 дерегі тіркелді. Оның ішінде, жануарлар әлемі саласында – 70, балық аулау саласында – 38 және өсімдіктер саласында – 4 құқық бұзушылықтар анықталды.
Жыл басынан бері облыс көлемінде табиғатты қорғау заңнамаларын бұзушылыққа қатысты барлығы 12 сотқа дейінгі тергеп-тексеру жұмыстары жүргізілуде. Оның ішінде, заңсыз аң аулау фактісі бойынша – 5, өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу дерегі бойынша – 1, ағаштарды мен бұталарды кесу дерегі бойынша – 4.
Қызылорда облысы ІІД баспасөз қызметі
