Сыр Медиа

«Нұр Отан» партиясы «Теміржол» филиалының төрағасы, облыстық мәслихаттағы «Нұр Отан» партиясы депутаттық фракциясының мүшесі Аманкелді Арысбаев партия филиалы ғимаратында азаматтарды жеке мәселелері бойынша қабылдады.

Қабылдауға көкейде жүрген түйіткілді мәселелерін шеше алмай жүрген 4 азаматтар тіркелді. Бірі жанұялық жағдайына байланысты баласының жұмысын ауыстырғысы келгенін айтса, бірі автокөлік апатынан зардап шегіп, осы жағдай бойынша жүргізілген процеске қатысты сотқа кеткен шығындардың орнын толтырып беруге көмек сұрады. Қоғамдық қабылдауға келген азаматтардың өтініштері тыңдалып, тиісті кеңестер берілді.Теміржолшылар кәсіподағы тарапынан зардап шеккен теміржолшының жанұясына қаржылай көмек көрсетілді.

Қоғамдық қабылдау барысында партия филиалының төрағасы, әрі депутат Аманкелді Арысбаев өткен жылы, тілсіз жау өрте салдарынан баспанасыз қалған Сексеуіл локомотив пайдалану депосының машинисі, асырауында анасы, алты кәмелет жасқа толмаған балалары бар және 7-ші балаға әйелінің аяғы ауыр Өмірхан Кариевке 300000 тг көлемінде қаржылай көмек көрсетті.

  - Партия филиалының қабылдауына тұрғындардан түрлі өтініштер келіп түседі. Былтыр қабылдауға келіп түскен әрбір 10 өтініштің 6-сы шешілсе, бүгінгі таңда әрбір 4-ші өтініш оң шешімін тауып отыр.Барлық өтініштер қаралады. Дегенмен,әлеуметтік мәселелер кезек күттірмейді.Сол себепті біздер әлеуметтік мәселелерге көптеп назар аударудамыз,- дейді «Нұр Отан» партиясы «Теміржол» филиалының төрағасы Аманкелді Арысбаев.

  Мұнан әрі теміржолшы нұротандықтар былтыр наурыз айында дәл осылай өрт салдарынан тұрғын үйінің біраз бөлігі зақымданған жолаушылар тасымалының жолсерігі, 20 жыл бұрын күйеуі қайтыс болып, бүгінде 3 баланы тәрбиелеп отырған жалғыз басты ана Гүлжан Сералиеваның отбасына барып, қолдау көрсетті. Яғни, Гүлжанға да 380 000 теңге қаржы мен шәйлық тәттілер табыстады.

«Теміржол» партия филиалының ұйымдастырған игі істеріне және қол ұшын созған барша теміржолшыларға әріптестері шексіз алғыстарын білдірді.