КӨБЕЛЕК ҚАНАТ БИШІЛЕР СЫРҒА СӘН БЕРМЕК
1 сәуір күні облыс әкімдігінің қолдауымен, облыстық мәдениет, архивтер және құжаттама басқармасының үйымдастыруымен «Евразия» спорт кешенінде Астана қаласының 20 және Қызылорданың 200 жылдығына арналған облыс әкімінің кубогы үшін «QYZYLORDA OPEN - 2018» атты Халықаралық балдық би турнирі өткізіледі. Тұңғыш өткізілгелі отырған шараның мақсаты облыс аймағында балдық би өнерін дамыту, шығармашыл өнерлі жастарды қолдау.
Халықаралық балдық би турниріне Украина, Ресей, Өзбекстан, Қырғыстан мемлекеттерінен және Астана, Тараз, Шымкент, Қарағанды, Павлодар қалаларымен қатар еліміздің басқа да облыстарынан 800-ге тарта балалар, жасөспірімдер және ересектер тобы қатысып, қатысушы бишілердің өнерін 24 кәсіби қазы саралап, бағалайды және жеңімпаздар бағалы сыйлықтармен марапатталады.
