АУҒАН СОҒЫСЫ АРДАГЕРЛЕРІ АРАСЫНДА ВОЛЕЙБОЛ ТУРНИРІ ӨТЕДІ
Қызылордада 28 қазанда «Мұз айдыны» спорт кешенінде волейболдан Ауған соғысының ардагерлері арасында республикалық турнир басталады. Облыста биыл бірінші мәрте ұйымдастырылатын турнирге Астана қаласы, Алматы, Атырау, Ақтөбе, Павлодар және Қызылорда облыстарынан 8 команда қатысады.
«Мәңгілік Ел» ұлттық идеясын, Елбасының «Болашаққа бағдар: Рухани жаңғыру» бағдарламасын жүзеге асыру, облыс көлемінде волейбол ойынын және бұқаралық спортты одан әрі дамыту, ардагер спортшылар арасында салауатты өмір салтын насихаттауды көздеген шараны облыстық денешынықтыру және спорт басқармасы мен облыстық ауған соғысы ардагерлері ұйымы ұйымдастырып отыр.
Жарыстың жеңімпаз және жүлдегер командалары, үздік ойын көрсеткен спортшылар диплом, кубок және ақшалай сыйлықтармен марапатталады.
