Сыр Медиа

    Аралдағы «Барсакелмес» мемлекеттік мекемесі мен «Қамыстыбас балық питомнигінің» қызметкерлері Астана қаласында өткен алғашқы республикалық спартакиадада жүлделі III-орынға ие болды.

      ҚР Ауылшаруашылық министрлігі, орманшаруашылығы және жануарлар дүниесі комитетінің ұйымдастыруымен аймақтық мекеме қызметкерлері арасында республикалық жарыстың негізгі мақсаты – Елбасының «Қазақстан – 2050» стратегиялық жолдауында көрініс тапқан міндеттерді жүзеге асыра отырып, еліміздегі салауатты қоғамды дамыту, спортпен шұғылдануда белсенділік танытуға шақыру болып табылады.

    Сайыста жерлестеріміз футбол, волейбол, арқан тарту, кір көтеру және қол күресінен сынға түсті.  Мамандар 15 команданың ішінен жүлделі орынға іліккен қызылордалық командаға жоғары баға берді.