АҚТӨБЕДЕ ҚЫРҒЫЗСТАНДЫҚ КӨЛІККЕ НЕЛІКТЕН ОҚ ЖАУДЫРҒАНЫ БЕЛГІЛІ БОЛДЫ
Ақтөбе полицейлері қырғызстандық шағын автобусқа жасалған қастандық жайлы мәлімет берді деп хабарлайды zakon.kz сайтына сілтеме жасаған NUR.KZ.Сәуірдің 6-на қараған түні болған оқыс оқиға Ақтөбенің тас жолдарының бірінде орын алған.
Қырғызстан азаматы өз үйіне қайтып бара жатқан жерінен, қастандыққа ұшырады.
Жолда көлігі бұзылған азамат, керекті бөлшекті алуға кетеді. Ал қайта оралғанда, көлікке оқ атылғанын байқаған. Сондай-ақ темір тұлпардың ішінде қалған жолаушының бірі жарақат алған болып шықты.
«Солтүстік айналымда белгісіз біреулер қырғызстандық көлікке шабуыл жасаған. Олар ақша мен алтын бұйымдарды үптеп кеткен», - деп хабарлады полицейлер.
Қазір ішкі істер департаменті сотқа дейінгі тергеу жұмыстарының басталғанын мәлімдеді.
Ал жараланған жолаушы ауруханаға жеткізіліп, қажетті ем алуда.
