ХАЛЫҚТЫҚ ТАҢДАУДЫҢ ЖАРҚЫН НӘТИЖЕСІ
Бүгін Тереңөзек кентіндегі №210 О.Әбілпаттаев атындағы орта мектепте «Бүкілхалықтық таңдаудың жарқын нәтижесі» атты жиын болып өтті.
Шараны мектеп директоры Ә.Көшербаева ашып, Елбасымыздың латын әліпбиіне көшу туралы Жарлығы тарихи оқиға екендігіне тоқталды.
Мұнан соң қазақ тілі мен әдебиеті пәнінің мұғалімі А.Арыстанбаева жиналғандарды латын графикасындағы қазақ әліпбиімен таныстырды. Апострофпен берілген әріптерге тоқталды. Әріп саны қысқарған ықшамды әліпбиді үйренудің қиін еместігін айтып өтті.
Аталмыш шара барысында мектеп мұғалімдері латын әліпбиіне көшу бүкілхалық таңдауының жарқын нәтижесі екендігін айтты.
