МУЗЫКАЛЫҚ ОРКЕСТРЛЕРІ МЕН АНСАМБЛЬДЕРІ ШЕРУІ ӨТТІ
Бүгін Қызылорда қаласында балалар мен жасөспірімдердің қатысуымен «Достық» үйінен орталық алаңға дейін музыкалық шеру болып өтті. Облыс бойынша шеруге 14000 жуық оқушы, оның ішінде Қызылорда қаласы мен облыстық мекемелерден 5000 оқушы мен колледж студенттері қатысты.
Сондай-ақ, бұл күні бір уақытта әр облыстық орталықтың, республикалық маңызы бар қаланың және Астананың орталық көшелерінде барабаншылар отряды, үрлемелі оркестрлер мен ансамбльдер, мажореткалар, черлидерлер, хор және би ұжымдары жүріп өтті.
Шеруде әр қатысушының көркем-эстетикалық дамуы, балалардың, педагогтер мен ата-аналардың шығармашылық жетістіктері көрсетілді.
