ҚАРМАҚШЫДА «ЖОМАРТ ЖҮРЕК» СЫЙЛЫҒЫНЫҢ ЛАУРЕАТТАРЫ МАРАПАТТАЛДЫ
Қармақшы ауданы әкімдігінде қоғамдық-саяси өмірге белсене араласып, ауданымыздың әлеуметтік-экономикалық дамуына ерекше үлес қосқан «Жомарт жүрек» сыйлығының лауреаттарын марапаттау салтанатты шарасы өтті.Аудан әкімі С.Мақашов «Жомарт Жүрек» сыйлығының лауреаттарын анықтау мақсатында арнайы құрылған комиссия шешімімен еселі еңбектері үшін «Туған өлке» номинациясымен «Ақтөбе и К» ЖШС директоры Іздібаев Нұрлан Тұрғанбекұлын, «Жыл меценаты» номинациясымен «Тұрмағамбет» ЖШС директоры Нұржан Пірмантаев, «Жыл тұлғасы» номинациясымен жеке кәсіпкер Алмасбек Қаржаубаев, «Жылдың үздік ұйымы» номинациясымен Қазақстан Мұсылмандар Діни басқармасы «Қармақшы Ата» мешітінің бас имамы Асхат Жарқынбеков, «Ерен еріктілік» номинациясымен волонтерлік қызметтерге белсене қатысқаны үшін Пернеш Өтеповалар марапатталды.
