Сыр Медиа

Қызылорда қаласының білім бөлімі мен қалалық кәсіподақ комитетінің ұйымдастыруымен білім қызметкерлерінің арасында «Жолдау жолымен білім биігіне» тақырыбында үгіт-насихат бригадалар байқауының ақтық сыны өтті.

Байқауға 51 мектептің ішінен ақтық сынға 8 мектеп өтіп, өз өнерлерін ортаға салды.

Нәтижесінде «Ең үздік үгіт бригада» жеңімпазы қалалық білім бөлімінің қосымша білім беру оқу әдістемелік орталығының «Жаңа ғасыр» командасы атанды.

"Үздік насихаттаушы» номинациясымен №235 орта мектептің «Ұлы дала жастары», «Үздік PR топ» номинациясымен №278 орта мектептің «Жастар» командасы, «Ең үздік әуенді ұжым» номинациясымен №189 орта мектептің «Жаңашыл ұстаз», «Үздік сценарий» номинациясымен №101 мектеп-лицейдің «Жібек жолы» командасы, «Шығармашыл топ» номинациясымен №3 мектеп-лицейдің «Он міндет белесіндегі жастар» командасы марапатталды.

Байқау соңында қатысушы үгіт-насихат бригадалар қалалық білім бөлімі мен қалалық кәсіподақ комитетінің Дипломдары мен сыйлықтарына ие болды.