ҚАЖ ҚЫЗМЕТКЕРЛЕРІ ЛАТЫН ӘЛІПБИІНДЕ ДИКТАНТ ЖАЗДЫ
Қызылорда облысы бойынша ҚАЖ департаментінің тіл маманының ұйымдастыруымен Департаментке қарасты мекеме қызметкерлері арасында латын қарпінде жазу дағдыларын қалыптастыру мақсатында «Латын әліпбиі тілімізге серпін береді» атты жаппай диктант жазу акциясын ұйымдастырды.
Қызылорда облыстық ішкі саясат басқармасының Тілдерді оқыту орталығында өткізілген шараға Департаментке қарасты ЗК-169/1 мекемесінен 15 қызметкер қатысты. Орталықтың оқытушысы А.Махамбетова жаңа әліпбидің ең соңғы нұсқасымен таныстырып, барлық қатысушыларға латын әліпбиінің нұсқалары таратылып берілді. Одан соң қызметкерлер «Астана –тәуелсіздіктің жемісі» тақырыбында латын тілінде жазба жұмысын жазды.
Алдағы уақытта жазба жұмысы ЗК-169/4, ЗК-169/5 мекемесінің қызметкерлерінен де алынатын болады.
Дана ДОСТАНОВА
Қызылорда облысы бойынша
ҚАЖД
